Lorraine怕醜咬手指玩電話

與基仔做這個連載訪問時，Lorraine知道記者會尊重她不會拍照，她即放心大方坐在基仔身旁，在基仔滔滔不絕暢談昔日拍戲趣事、心路歷程時，Lorraine也會跟着笑，說上兩句，但當基仔認真談到與她的關係時，Lorraine即突然靜下來，神情雖裝作輕鬆，但卻不發一言耷低頭把玩iPhone，表情煞是好笑。

在訪問過程中，基仔會拍打Lorraine的手臂說：「你幫我諗吓啦。」還搞鬼沒收她的手機說：「唔好玩電話吖，唔好咬手指啦。」基仔更大爆Lorraine嫌記者影得她唔靚，基仔笑說：「有時媒體登咗佢啲相，佢擘大個口又冇化妝，佢就話張相咁肉酸，我就話不如幫你book個影樓，影輯靚相發畀傳媒囉，佢就笑笑口話唔好。」訪問去到尾聲時，Lorraine被記者要求說說基仔，她笑着耍手擰頭，最後她搞笑說：「基仔呢個老闆好好，我人工高，福利好。」