田川選美冠軍闖模界 張天愛發掘新血
時裝設計師張天愛（Flora）近期積極發掘有潛質模特兒，繼在美國發展理想的陳碧舸後，Flora又有新目標，就是2010年中華小姐冠軍田川，田川在英國留學七年，主修時裝設計，在一次機緣下，朋友游說她一起參加中華小姐，無心插柳下贏取了冠軍。
田川外形百變，身材高挑，最重要有內涵，她現將主力在模界發展，亦希望可以做時裝設計師，她說：「我好貪靚，鍾意靚嘅事物，所以讀設計；喺英國咁多年，特別鍾意當地文化，我嘅設計都會加入呢啲元素。依家希望可以喺模特兒界發展，見識吓，但最終目標係做設計師，其實依家都有公司搵我設計時裝，但我想專注做模特兒，可能兼職做設計。」
