李美鳳回春之旅浪漫爆燈

李美鳳與歌手李玟（Coco）昨日出席護膚品牌Estee Lauder活動，兩人佩戴了Van Cleef & Arpels珠寶，明艷照人。李美鳳透露自己剛到了法國及德國旅遊兩星期，笑言此行是「回春之旅」。她表示：「今次同大學及中學好友一齊，帶番好多讀書嘅感覺。」她表示兩名香港好友都嫁給外國人，並於當地落地生根：「以前覺得嫁畀唔同種族嘅人會好難溝通，但原來唔係，仲可以體驗到外國文化風趣、快樂嘅一面。」笑言難怪李玟及莫文蔚都嫁老外。

食朱古力要諗佢

問到她於旅程中有沒有艷遇？她笑言即使每次出門都一家大細同行，仍有艷遇，今趟也不例外：「今次喺法國，有一日我喺餐廳，有男仔走嚟送朱古力畀我食。我本來諗住放低喺枱面，唔理佢就走，但佢仲同我講『食嗰時記得諗起我』，法國人真係好浪漫！不過我都唔希望有艷遇，就算有都會避。」另外，她表示聖誕將與家人及朋友於台灣度過。

李玟請假陪老公

而同場的Coco坦言婚後一直忙於工作，僅與老公見面兩天，但仍十分開心。問到老公可有投訴？她表示：「佢知我工作需要。」而問到她有沒有造人大計？她坦言一切順其自然。至於聖誕，她將請假兩星期，赴美國與老公及自己的家人一同共度佳節。

文：名人組