李克勤早前接受電視訪問時大談唱片公司與無綫的版稅風波，一直被外界稱為無綫契仔的李克勤坦言：「有啲人話我係無綫契仔，但契仔係第一個被開刀。」他又認為歌手可以在其他電視台亮相已變成一種現象，自言簽死給某一電視台的可能性不大。
另外，克勤又於節目中緬懷當日於寶麗金唱片公司的樂事，他說：「寶麗金畀到我種好家庭嘅感覺，歌手同幕後同事嘅感情同聯繫真係無得頂，呢種感覺係之後任何唱片公司都無。」
