Cammi抗拒集郵: 我只識被動
學生o靚模謝芷蕙（Cammi）床照事件已過一個月，外界對Cammi的誤解仍不少，有人認為她是個不折不扣的集郵女。而被指生得與張學潤（Nelson）餅印一樣，Cammi說：「完全唔似Nel Nel，不過好有娛樂性，我亦寧願集Hello Kitty郵票囉！」另她說自己在情路上一直處於被動角色。
年僅16歲的Cammi因床照事件成為新聞女郎。Cammi的情史亦被翻帳，與王浩信、張致恒得名字掛鈎，得「集郵女」之名。經過個多月反省，Cammi對此笑說：「我唔係好鍾意呢個名，邊有女仔鍾意畀人話集郵，我只識被動，從來都唔識主動，我有集郵，但都只係集Hello Kitty嗰啲得意嘢，集郵女呢個名好難聽，叫番我Cammi好喇！」
Nelson指導形象
談到生得跟Nelson一模一樣，她說：「完全唔似囉，五官都唔似，不過幾好笑囉，都幾有娛樂性！」Cammi將與Nelson出席商場騷，原來對方更事先為Cammi做形象指導！
而Cammi表示過去的事不堪回首，提到舊愛，她說再見亦是朋友：「呢啲順其自然啦，見到面都會Say Hello！」問會否送新推出的月曆給舊愛？她說：「唔會刻意搵佢囉，但係撞到都會畀佢！」
唔再上朋友屋企
自事件發生後，Cammi表示已懂得帶眼識人，並不會再立亂上人屋企，她說：「唔上喇！普通朋友屋企都唔會上，爹哋依家都唔畀我過11點返屋企，總之以後會好好讀書，喺番自己學校讀到中六！」
而被問是否成日戴「大眼仔」出街，她說：「唔係呀，我返學唔戴o架，只戴Colour Con！」女孩子天生愛美，明晒！
文：專案組，攝：鄭家俊
場地：Lab(九龍灣)