焦媛圓夢拉師妹上床

焦媛與師妹吳卓昕即將上演同性舞台劇，劇中二人有不少激情場面，經驗豐富的焦媛坦言感到尷尬，但卻成功「滿足」她一直想與同性做同台的「夢想」。舞台劇演員焦媛，與演藝學院師妹吳卓昕將演出同性音樂劇《筷子姊妹》，故事以七十年代一隊當紅女子組合為藍本創作。劇中焦媛與吳卓昕有一段同性的情，亦難免有不少身體接觸的激情場面，當中更有大膽床上戲，並以透過舞蹈和歌曲表達，焦媛說：「大家都會好性感，以前就想同同性做同台，因對同性覺得好好奇。但到真正做時就真係有啲唔慣，可能事前要做啲運動先。」吳卓昕則笑言是焦媛令她感到尷尬，她說：「其實我覺得兩個女仔做都無問題嘅，因為佢有嘅嘢我都會有。今次真係第一次演同性戀，好開心，無後悔。」