趙世曾：男人唔結婚開心啲！
富商趙世曾兒子趙式浩（Howard）早前秘密榮升父親，其女友Winnie於上月為趙家添下男丁。雖然榮升阿爺的趙世曾談到孫兒很開心，但承認不贊成兒子早婚，他揚言：「男人唔結婚開心啲！」並形容自己終身不娶自由自在！
富商趙世曾的29歲兒子趙式浩，與女友Winnie拍拖兩年，式浩秉承其父瀟灑作風，女友未婚有孕，日前Winnie為趙家添7磅男嬰，不過，榮升老竇的式浩對此事顯得甚為避忌，未知是否跟有傳父親反對他早婚有關，故即使女友為他誕下兒子，式浩仍未有結婚打算。
式浩女友剛剛產子
早前本報收到消息指式浩快為人父，當致電恭喜時，式浩竟詐傻說：「你哋嘅消息喺邊度聽番嚟？有咁嘅事？咁奇怪？」至上月28日，順利誕下兒子的Winnie從養和出院，她戴黑超及身穿運動服，但身邊未見式浩。昨日再致電式浩，問到初為人父的心情，他坦言：「我唔想講住，想穩定啲先。」語畢匆匆收線。
至於趙世曾被指反對兒子早婚一事，他昨日在電話回覆時，多番迴避問題，並叫記者問趙式浩，之後他才說：「Howard咁後生，等佢年紀大啲先決定，（你係想佢好似你唔結婚咁自由自在？）我梗係自由自在，唔結婚對男人係開心啲，不過下一代嘅嘢等佢自己揸主意。」
盈盈嘆冇新抱茶飲
至於式浩的母親盈盈初時不肯認抱孫，其後才承認曾到醫院探望Winnie，問到何時飲新抱茶？她無奈說：「冇得飲，我個仔都咁大個，理唔到佢啲嘢。（BB似邊個？）BB好得意，似式浩，都有啲似爺爺（趙世曾），下巴兜兜。不過BB太細未收水，要過滿月先抱出嚟，因為出面好多菌對BB唔好。（有傳趙世曾唔畀式浩結婚？）我唔知，你問番佢啦！」
文：名人組