樂瞳：我唔係死o靚妹
樂瞳憑《點解阿Sir係阿Sir》的角色學生妹彈出，由無名小卒瞬間成為宅男女神，若論飛躍幅度，樂瞳可謂當之無愧，她說：「今年係入行後進步最大嘅一年，出到街會有人嗌我角色名，都覺得自己幾有觀眾緣，最開心係幾個角色都有發揮，證明我有演技，唔係死（o靚）妹一個。」樂瞳又感謝高層樂易玲、監製劉家豪及梅小青的賞識。
不過，樂瞳則視黃智雯為最大勁敵，她大讚對方Keep住進步及演技好：「佢好大方得體，都羨慕佢有咁多機會。」她認為馬賽於年底的曝光率甚多有着數，同樣是獎項熱門。至於飛躍男藝員，樂瞳力撐林子善，指對方演技紮實，演乜似乜！