陳浩民睹太太剖腹手震標淚
陳浩民太太蔣麗莎，昨日剖腹產下6.6磅女兒，取名陳雅薷，初為人父的浩民親睹太太剖腹過程，緊張到手震兼落淚，並笑稱家中有兩個女王同月同日生。對於被指花100萬元擺平抽水事件，他說：「今日係大喜日子唔講喇！」
被指攬啜陳嘉桓的陳浩民，昨晨十時半陪同老婆蔣麗莎前往銅鑼灣聖保祿醫院剖腹產女，老婆臨盆在即要坐輪椅入院，浩民推着老婆表現輕鬆：「執好晒嘢！（提早生？）本來十二月中，但B女臍帶纏頸，醫生話早生好過遲，而今日又係老婆生日所以揀今日生，兩個女王一齊生日好特別！」同行還有浩民岳父岳母。
避談和解費
約下午一時半，浩民陪同老婆入產房剖腹，過程雖不能拍片，但浩民眼見老婆開刀標血過程，自言驚到手震。
至下午三時二十分，浩民開記者會公布母女平安，B女重6.6磅，不停撐手撐腳。他表示B女中文名由老人家改，名為陳雅薷，寓意知書識禮，英文名則由他兩公婆負責，惟未有心水。問到浩民女兒似誰？他說：「剛出嚟個樣似自己，但洗乾淨又似老婆，我覺得老婆好偉大，見佢開刀標血又聞到雷射開刀啲『燶』味，我都好驚，但老婆好定，當我見到個女出世我有喊。」他續說：「嗰日我開記者會都有喊，但我要澄清我冇腳軟，之後傳媒又話我係假！（有傳你付100萬予陳嘉桓和解﹖）今日大喜日子，過咗今日先講啦！（送咩畀老婆？）我會陪佢左右，遲啲先諗！」
冇嬲馬德鐘
陳浩民於今次攬錫陳嘉桓事件形象受損，問可有影響到工作？他說：「依家多咗人食飯，我要好努力工作，但唔覺影響到！（有冇致電親友報喜？）打咗畀麥包、林子聰啦！開完記者會後會打畀馬德鐘同洪天明報喜。（冇嬲馬德鐘？）做乜嬲？佢係我朋友！」他透露老婆坐月後將舉家返內地探親。
而浩民老婆產前仍見心情輕鬆，還在微博留言取笑老公比她緊張。
文：影視組