陳奕迅嫌成人台要畀錢
陳奕迅(Eason)前日為now電視芒果台擔任開台嘉賓，他賣口乖說家中只有now一個電視台，問他此言不怕無綫嬲？他說：「其實now個高清盒都有無綫高清台，另外仲有好多無綫其他台，（成人台呢？）都有撳吓，不過要畀錢，我個人唔鍾意咁多程序！」
他又談到有興趣到埃及拍旅遊特輯，樂於接受now主持人鄭丹瑞、林珊珊訪問，又想受訪大談製作新碟過程，覺得電視台應無分彼此，有競爭才有進步。至於可會限制囡囡看電視？他說太太只准女兒在周末看電視，不過囡囡最鍾意睇書。
另外，Eason昨日接受電台訪問，曾揚言明年聖誕節要陪囡囡不出席頒獎禮的他，對好友容祖兒（Joey）說屆時可盡擸他的大碟獎一事反問：「唔係得無綫係咁咩？」
他覺得製作出一張好出色又有口碑的唱片，但仍然無獎是件可惜事。問Joey是否視他為唯一的競敵？他認為只因大家相熟，她才將他作話題，他謂：「佢知我唔會嬲。」