梁漢文另邀嘉賓怕傷老友胎氣

梁漢文昨日到電台宣傳明年農曆新年舉行的演唱會，提到好友楊千嬅傳有喜訊，他興奮大叫：「咁大件事？係咪真呀？我冇收到風喎！」他表示兩個月前已邀千嬅擔任個唱嘉賓：「我當時仲玩嘢咁問佢使唔使放產假，佢仲答我『冇咁易有啦』。尋晚去睇佢演唱會探班，我唔覺得有咩異樣喎，講嘢仲係咁大聲。如果有咗，我要搵人頂佢唱首《滾》喎！（有BB可以照唱？）唔好意思嘛，怕一陣傷佢道真氣。」