陳法拉胡杏兒V煞露骨

無綫一年一度的台慶盛事昨晚在將軍澳電視廣播城舉行，眾小生花旦悉心打扮出場，陳法拉、胡杏兒、徐子珊、陳敏之、高海寧、苟芸慧、葉翠翠、黎耀祥、鄭嘉穎、陳豪等，現場星光熠熠，絕對是群星拱照賀台慶！不少花旦大晒身材性感現身，繼身穿低V連身裙的楊秀惠力谷豐滿上圍，張嘉兒與葉翠翠亦盡力谷出事業線，反而有「咪神」之稱的高海寧卻讓賽，造型欠缺驚喜。

操勞恐面癱

今屆視后大熱杏兒與法拉則一個露前、一個露後，法拉露出白滑玉背，並佩戴英皇珠寶贊助價值1,600萬鑽飾示人，對於有指其左邊面部麻痹要返美國小休，就連新劇也要辭演，法拉坦承謂：「因為身體透支響起警號，近排拍戲又睇唔到醫生，其實前後都唔舒服咗兩個月，醫生話我三叉神經線出現問題，可能係攰同緊張所致，（嚴重會面癱？）醫生都係咁講，所以好驚，演員靠樣搵食，所以都有食止痛藥，等十幾日後拍完《東西宮略》，就會請假返美國休息一個月。」為了身體着想，就連新劇《名媛望族》也要推卻，法拉也不禁嘆可惜，更指望身體好轉後，可以返港拍攝新劇《衝上雲霄2》。

胡杏兒中門大開，可惜得棚骨，零睇頭。

陳敏之穿高衩裙示人，擺出誘人甫士。

陳敏之走光

至於中門大開至肚臍位的杏兒，戴上價值1,200萬鑽飾，不過她卻與法拉一樣瘦蜢蜢，只一味騷骨感，毫無半點睇頭，問到緋聞男友黃宗澤有否過目？她笑謂：「唔知，可能睇過，（性感？）都冇咩睇，好安全嘅。」至於擔任司儀的陳敏之，卻以一身高衩雪紡裙上陣，不過伊人於擺甫士拍照時，卻不慎露出打底褲。

此外，今年台慶雖然冇車兼冇樓送，但卻總共送出100萬的獎金獎品，當中有12名藝員抽台慶大利是，並由黃長興、錢嘉樂、薛家燕等奪得。

文：影視組