陳文婷封咪避好色男
樂壇新人陳文婷由加拿大回港發展，最近更獲內衣店贊助性感內衣褲，還以為她可以展示青春逼人的body，但她笑稱只可孤芳自賞，因為曾被人投以「侵犯」之目光而留下陰影，連游水都幾乎要着潛水衣呢。
為融入香港偏瘦的審美標準，原本佩戴75C胸圍的陳文婷，因減肥十磅跌Cup改戴70C，認真難為，但婷婷憑現時fit爆身形卻深得客戶喜愛，早前她到贊助商店舖揀Bra，雖感慨減磅後已偏離在加拿大時的豐滿身材，但見她不敢挑選太堅挺的款式，解說是怕惹來注視目光，說法有點矛盾，後來才自爆回港後多次遭「目光侵犯」之陰影所致。
險遭祿山之爪
婷婷擁有C Cup咪咪，坦言要多謝媽咪：「我以前喺加拿大讀高中時，冇身材會被取笑，而我發育較遲，所以去Party時男生只會視我為小妹妹，鍾情對象冇我份！」不過女大十八變，其豐滿身材卻因遇上好色之徒而要收埋，她說：「我試過出街着咗件幾挺嘅Bra，身形變得突出，但迎面遇到個七十幾歲嘅伯伯，佢嘅眼神盯緊我個胸，走近時更伸出雙手想抓我個胸，當時我梗係避開，覺得好恐怖。」
驚到唔識反應
她續說：「另一次我着住貼身運動衫褲喺超巿揀生果，突然感覺有個男人貼住我後面頂住我……當時我嚇到唔知應唔應該鬧個男人，事後同阿爸講，反而鬧番我：『點解唔教訓佢，枉我教你咁多功夫都冇用！』」有過這些不快經歷，婷婷的衣着也不敢太「凸」出，笑言去游水都要着潛水衣。
場地：BUBIES
化妝：Yen Yeung
髮型：Yume＠Xenter
服裝：Staccato
文：影視組