白健恩登台發sing盼「串燒」祖兒
參選港男出身的大隻仔白健恩（小白）將於星期日參與慈善演出，首次在「舞台」演唱，演繹偶像容祖兒的歌曲，以致心情非常緊張。經理人有見及此，日前帶小白坐纜車，上山頂旅行鬆一鬆。在纜車站等候的小白非常活潑，像小猴子一樣擒高又跳來跳去。
小白說：「已經有十幾年無坐過山頂纜車，心情好似小學生咁樣，前一晚仲瞓唔着添！今次與前輩梁小冰合作舞台劇，獲益良多。星期日我會演唱祖兒嘅歌，會喺沙灘上表演，而且仲要對住一班港姐靚女，所以心情特別緊張。」因為小白非常重視祖兒，特別邀請歌唱老師「補鐘」，又練定幾首歌，但至今還未選定，他笑說：「如果可以做一首串燒歌就好啦！」
