陳鈺芸fing棍舞走失眠
歌手陳鈺芸（JuJu）將於本月25日假佐敦一酒吧舉行迷你演唱會，日前她特到Band房練歌為處女騷作好準備。由於是首次擔正，JuJu心情緊張到晚晚失眠：「我成日都瞓唔着，要玩花式雙節棍減壓，雖然打到bang bang聲，但我閂埋房門，唔會騷擾到父母同孖生家姐瞓。」問她屆時可會性感演出？JuJu說性感一定有，她已與形象設計密密開會，希望帶給歌迷新驚喜。
至於嘉賓方面，JuJu稱家人及同經理人公司的藝人必定出席，問她的追求者可會現身撐場？她帶笑說：「都有幾個追求者，我諗佢哋都會買飛嚟捧場嘅。」她又稱開騷當日會同步推出新碟，由於近期工作太忙，待她完成手頭上所有工作後，就抽空幾日到馬來西亞的私人小島度假，她笑言：「我會去啲冇人嘅小島，因為我想裸泳，順便搜集資料準備推出旅遊書。」