森美論情聖首推霆鋒
雖然森美不是追女達人，但自誇是「情聖」的他教人追女仔教到開騷，而在他心中，謝霆鋒更是「情聖」達人，相反林峯被翻舊帳非常慘情，成為反面教材。
由電台吸金到電視台的DJ梁志健（森美），撇甩「另一半」阮小儀，獨撐大舞台，為港男開騷教港男擺脫「弱男」之名，變身迷倒萬千少女的「情聖」，而他心目中的大情人之最，首推謝霆鋒。
森美認為這個年代甚麼事都講求「快」，講效率和回報，年輕人不論男女都會算到盡，結果香港出現好多斤斤計較嘅港男、港女。他又指九十年代香港盛產『情聖』，因為經濟好，連愛情都『豪』得起，不用太多錢，而是對愛情好火辣、不計回報地付出，不怕肉麻和誇張，他更引霆鋒為例：「佢當年話就算死都唔怕同張栢芝一齊，好『誇』，但好型！」
追女關乎人類未來？
相反，有型小生林峯早前被舊愛翻舊帳後無奈落淚，森美感到肉赤，他希望這是反面教材。他說：「經常有男聽眾因為忘記買禮物氹老婆，喊住打嚟電台求助，甚至有男人被女友用床照威脅，個世界亂晒龍，好離譜！『情聖』係一種態度，一種為愛情不計較嘅情操。」
下月的TalkShow，森美由愛情講到國家大事，將這情操發揚光大，他說：「好多年輕人淨係匿埋自己房睇AV，因為覺得追女仔成本高，拍拖睇戲搭車食餐飯太貴。呢個思想要改變，因為影響香港人嘅下一代，甚至人類和國家嘅將來。」
文：盧旦
攝：黃叔榮
化妝：Pui Pui
髮型：Vince Pang @ IL COLPO(TST)