周子揚同徐靖雯好夾
被指與內地名模徐靖雯撻着的男歌手周子揚（Hinson），最近忙於籌備全新EP《Relationship》，雖然逾一年未出新碟，Hinson並不着急，寧願慢工出細貨，他表示新碟探討社會現象及愛情觀等。
對於被指是「地王之子」，Hinson也大吃一驚說：「哇，聽到呢個稱號都覺得好愕然，其實爹哋係做地產，佢點投資我就冇過問，但我會向佢多加學習。」至於爆出「靖揚戀」，Hinson說：「依家係非常非常友好關係。（再進一步？）當然會有發展空間，同佢性格好夾，又傾得埋，大家有好多話題。」他亦不時送贈小禮物給緋聞女友：「佢皮膚較白，所以我間唔中都送啲美白同防曬產品畀佢。（見家長？）大家以事業為先，唔想令大家咁快有壓力。」
場地：gi+