陳嘉寶被吳尊零食迷倒

「邦民女」陳嘉寶（Anjaylia）與師妹潘杰寧（Kelena）及郭善珩（Katie）早前參演電影《開心魔法》，更與「陽光妹」何思諺（Leanne）及「嫩版楊采妮」吳千語等人組成新一代「開心少女組」，Anjaylia表示眾女寓工作於娛樂，一聚頭便玩到癲。

好嘢同分享

片中她們與型男吳尊及古天樂合作，不過三女則大嘆未能與吳尊同場演戲︰「通常都係我哋拍完先到吳尊拍，劇情得最後一幕先會同場，其實有啲可惜，如果多啲對手戲就好喇！（你哋係咪畀吳尊靚樣迷到？）佢最吸引嘅地方係佢啲fans嘅嘢食，吳尊會同我哋一齊分享，所以每次見到佢一定問有咩好嘢食。」

吳尊	Anjaylia（中）、Kelena（右）、Katie因拍電影成為好友。	Kelena曾見過吳尊的父親，大讚對方親切友善。

三女又大讚吳尊好人又友善︰「佢好好人，又冇架子，而且皮膚仲好好。」Kelena補充說︰「有一次我去拍旅遊特輯，同佢爸爸見過面，吳爸爸好友善，仲一齊食tea添。」

電話chat餐飽

因為拍這套電影眾女變成密友，雖然各有各忙不能經常相見，但每日都透過電話傾番夠本，Anjaylia說︰「我哋班女仔開咗個group chat，大家咩都會講，事無大小都可以係個group度傾餐飽。」

因懷孕而停工的Leanne亦是其「開心少女組」成員，問她們有否相約探望這位準媽媽？Anjaylia笑說︰「做咩要探佢，梗係叫佢自己出嚟搵我哋玩啦！」

文︰專案組

攝影︰吳文聰