Winkie佗仔 人人讚掂
自HotCha成員Regen離隊出外升學後，其餘成員Winkie及Crystal也各自單飛發展，Winkie就首嘗拍劇滋味，飾演做盡瘋狂事的女學生，更首次挑戰扮大肚婆，獲得導演及工作人員一致讚「掂」。
Winkie上月底「單拖」到廣州，參演蔡卓妍父親公司合作的網劇，劇中扮演一瘋狂女學生，趁大學畢業前和同學做盡平時不會做的瘋狂事，她說：「我要做啲無聊嘢，好似要去超市揸爛啲薯片後速閃，教好乖嘅女同學做壞女孩，又帶宅男同學去酒吧識女仔，我自己又去追男仔咁啦。」
期待與chilam鬥「戲」
問她現實生活中可會是如此無聊？Winkie哈哈笑說：「梗係唔係啦，平時工作咁忙都攰到死，返屋企梗係『攤屍』，或者搞時裝設計啲嘢啦。」Winkie又說雖然拍攝時間只是短短三日，但因趕工而連續兩晚拍通宵，但她認為是好好的磨練演技的機會，又可以趁機進軍內地市場。她更希望可得無綫垂青，有機會跟同公司、演技又一致讚好的張智霖（chilam）合作。
問她在劇中的難忘事，她覺得是扮大肚婆，由於是首次演繹關係，故她事前做足資料搜集，鑽研孕婦走路的姿勢、神髓及小動作，正式演出時，她淋漓盡致的演出，令現場的工作人員和導演都大讚她「掂呀」。
文：音樂組