Rosanne半歲囝囝冇私家奶飲

Rosanne自年初誕下囝囝後，幕前工作亦減產，全心全意在家中湊仔，她直言十分享受與囝囝相處的時間，她說︰「湊仔當然辛苦啦，但冇想像中咁辛苦，每日都會抽時間同佢玩，因為溝通好重要，而且呢個時候嘅BB吸收好快。」

轉飲奶粉

為了囝囝健康成長，Rosanne表示囝囝出世後一直餵母乳，直至最近才開始讓七個月大的囝囝改食奶粉，她說︰「雖然餵母乳比較辛苦，自己要飲多啲湯水，均衡飲食，但母乳營養高啲，犧牲大都值得。不過最近我畀佢轉食奶粉，因為我要準備生下一個BB，唔餵母乳想自己身體更加健康。」

Rosanne的囝囝眼仔睩睩，十分可愛。

放大圖片

Rosanne表示囝囝轉食奶粉後未有異樣，會慢慢讓他完全轉食奶粉，她說︰「初時都驚佢食唔慣，但佢食完後一切OK，身體冇唔舒服。」問計劃生第二胎的她想生仔還是生女？她說︰「我想生女，湊個『好』字，生兩個就夠晒數喇，一個易照顧但難教，反而兩個會好啲。」

傾緊部戲

談到近況，Rosanne表示會訂下時間表，除分配照顧囝囝的時間外，她每星期都會去跑步做運動，問會否抽時間再接工作或拍電影？她說︰「我都會繼續做嘢，都傾緊一部電影，下年開拍，如果懷孕嘅話到時再算啦。」

攝︰劉智源

場地︰Starlit learning Centre

文︰專案組