Kay傳播幸福圓貧童3D夢

謝安琪出道以來，敢言的她多次被批評，要找尋快樂對Kay來說可能是很遙遠的事，但她仍說：「關心世界係我嘅性格，起初以為開心係我自己一個人嘅感覺，但我發覺喺呢個唔公平嘅世界，好多人都好努力，佢哋都有幸福的話，我會覺得更加快樂。」

Kay近日推出新碟《你們的幸福》，主題圍繞着香港這個嚴重貧富懸殊的社會。第一首歌《十二月二十》的歌詞就是寫世界末日將至，有錢人有能力在方舟上享樂避劫，窮人就要等死，非常諷刺。而《潔淨王后》、《浮雲》兩首歌則是講新來港人士遭歧視的苦況。

作為「傑青」的謝安琪，希望對社會有所貢獻。

謝安琪早前為新碟拍攝封套。

不過Kay認為在這個城市仍然有溫暖：「將心比己，有時好多痛苦係不必要，少啲標籤，生活都可以好溫柔，好似《大城小動》呢首歌，我特別安排喺啲唔開心嘅歌後面，希望大家聽到佢一開始嘅笛聲，心入面會泛起溫暖。」

大角咀搜集資料

Kay為了做資料搜集，曾經到過大角咀——香港貧窮與富貴交接的地區做節目，她說：「喺香港，好多人住劏房，每個月靠3千蚊綜援生活，佢哋唔係懶，而係生活真係艱難，扣除屋租等等，每個月得8百蚊用。」Kay表示曾經有一位受訪小朋友，一直不肯說出他的心願，原來是怕說了出來父母會因沒能力滿足他而難受，究竟小朋友的心願是甚麼？Kay說：「佢想去戲院睇3D電影，最後有戲院聯絡我哋，免費提供一場畀貧窮小朋友睇。」對於社會低下階層的苦況，Kay續說：「我做到一個歌手係好幸福，我好想幫社會做啲嘢，因為對社會有貢獻係好開心嘅一件事。」

文：王羽飛　攝：劉智源

Clothes：Heaven Please/Jules/Zara

Makeup：Khaki

Hair：Eve Chiu@Queen's Private i Salon