廖碧兒生B退出娛樂圈
對廖碧兒（Bernice）來說，能令她近鄉情怯的，可能是生怕家鄉父老們問起她離離合合的緋聞，碧兒也坦言有被鄉里們問起何時嫁人，但她坦言已另有打算。
雖然性格鬼妹仔，但Bernice言談間對婚姻還是十分憧憬：「都諗過當我結婚之後會唔會退出娛圈？我諗最令我放唔低嘅會係小朋友，我好鍾意小朋友，如果我有小朋友，一定會離開呢個圈，希望全心全意陪佢哋成長。（有諗過相睇？）唔知呢！我唔排除會閃婚，但一定會通知父母，唔會閃咗去。」
Bernice不諱言原定打算八年前出嫁：「本來我就打算24歲結婚，過咗好耐啦！下一個check point？冇訂，個個（鄉里）都問我啦，不過我冇壓力，要全力照顧屋企啲狗仔。其實鄉里關心我健康多過緋聞，我覺得佢哋好真、好humanity，所以我同自己講做人唔可以忘根，娛樂圈好易令人被物質帶住走，只要唔忘根，就唔會被物質化。以前每年呢個時候會被問台慶頒獎禮嘅嘢，依家可以做我更鍾意嘅回鄉尋根同慈善。」