龔嘉欣鮮襲台慶搶利是

每年無綫台慶，眾藝員總悉心扮靚示人，晒珠寶首飾當然亦少不免，今年第三度參加台慶的龔嘉欣（Katy）日前也急不及待掃戰衣，她先後試了橙色及紫色的短裙，青春可人，而她原來最愛粉紅色：「會揀感覺後生啲嘅顏色，襯番我年齡！如果着黑色或深色就顯得太瘦同成熟，可能過多幾年先！」往年她試過佩戴價值千萬元的首飾，今年亦會戴達七位數的鑽飾，她表示不怕有危險，因為公司保安森嚴。

欠中獎運

Katy認為台慶就有如開派對，因為個個都衣着隆重，氣氛熱鬧，她將聯同十多名藝員表演跳舞，當日更要排舞排全日，確保沒有出錯。而她最恨中台慶大利是，向來中獎運奇差的她說：「我都唔貪心要中頭獎，中到大利是已經好開心，到時可以請屋企人食飯！」

為了靚爆鏡出席台慶，龔嘉欣見到首飾馬上戴上手試試。	四出搜羅「完美戰衣」的龔嘉欣見啱即試。	嘉欣揀配飾亦一絲不苟。

原來她之前最厲害就是中了一條值七萬五元的鑽石鏈，但由於平時甚少戴首飾，於是轉送家人：「細個嘅時候有戴珍珠頸鏈，不過我成日咬！其實我好大頭蝦，大咗之後都好少戴，驚會唔知漏低咗喺邊！」

文：專案組　場地：aalis