高海寧台慶爭獎冇信心
高海寧及甄妮前晚出席品牌活動，問到高海寧是否因活動酬勞高而穿得較為性感時，她笑言：「其實出席呢啲活動都會着得隆重啲，加上啲珠寶通常都比較長，所以要低胸少少。」雖然她未有儲首飾的習慣，但就透露曾於南非買過鑽石給媽媽，同時她笑說：「雖然佢口講叫我唔好嘥錢，但轉頭即同老竇講話粒石好閃！」提及自己台慶有份提名獎項，信心不大的她表示：「都希望啲觀眾遲啲可以將注意力放喺我嘅工作上，而唔係身材啦！」
另外，久未露面的甄妮表示有意於其在台灣的有機農場搞開放日，問她與早前逝世的許冠英是否相熟？她就表示與其弟許冠傑較熟，但就大嘆到了一定年紀就會聽到不少不太想聽的消息。