沈卓盈大C姐爆咪凸圍
無綫台慶在即，各女藝員紛紛四處張羅搶鏡「戰衣」，昨日出動的先後有沈卓盈（Jess）及陳庭欣等，其中以大「C」姐沈卓盈的一襲「爆咪」晚裝最為一鳴驚人，薑果然是老的辣。
擁有C Cup上圍的Jess昨為台慶試衫，先試穿一件香檳色的開胸晚裝，唧出三吋「事業線」及玲瓏曲線。其後她又改試火紅色大露背長裙，將白滑肌膚表露無遺。問到她是否趁「咪神」高海寧及呂慧儀封胸乘機攝位？Jess即笑說：「我唔介意露，但最緊要靚！（搶番大『C』姐寶座？）唔敢搶，佢哋身材都好好，希望大家除咗欣賞我嘅身材外，仲欣賞我啲演技！」
而Jess對於日前涉遭中醫師非禮案件敗訴，她坦言不開心：「佢喺庭上面都認有摸過，而個官都話我係誠實證人，報警係正確決定，畀嗰個人一個警惕！」同時她又表示會吸取教訓，以後會尋求女醫生或西醫診治。
唔敢去廁所
至於形象健康的前港姐陳庭欣，昨亦為台慶試首飾及晚裝，大騷事業線的她獲景福珠寶垂青，成為本年唯一獲首飾贊助的藝人，贊助她逾三百萬、超過五十卡的白金白鑽首飾。受寵若驚的庭欣佩戴一身名貴珠寶亦坦言怕屆時有所甩漏，笑言可能廁所都唔敢去，她說：「我都怕搵唔到首飾贊助，真係有諗過拆咗后冠粒鑽石落嚟戴o架！」至於戰衣，她就透露將會穿上由鄧達智設計的晚裝，問到會否性感？她笑說：「普通啦，一定唔會低到落肚臍囉！」
文：影視組