Twins 探「火海天使」眼濕濕
Twins昨晚百忙抽空到醫院探望「火海天使」小粉絲鄧岢娭，望着嚴重燒傷的岢娭，Twins難免眼濕濕，二人大讚對方意志堅強捨己救人的精神，堪稱Twins的驕傲！
被稱「火海天使」的18歲少女鄧岢娭，早前於油麻地髮型屋奪命火警中冒險救鄰居，期間遇上大爆炸被嚴重燒傷，送院時更一度昏迷，Twins得知岢娭為她們的粉絲後，昨晚排完舞特意趕到沙田威爾斯親王醫院探望對方，為她打氣。
借鏡鼓勵青年
由於鄧岢娭正於燒傷中心接受診療，首次讓外人探望，但需要穿上保護衣，阿Sa說：「佢真係好叻，有個咁堅強嘅fans，自己都好驕傲。」阿嬌又言鄧岢娭向她透露，當逃生時跌到眼鏡飛脫，一度想放棄，但回想父母即再次站起，阿嬌說：「依家年輕人好易放棄，佢意志堅強，仲要救人，好番之後一定要同其他人分享。」
左腳已接受植皮的鄧岢娭，正等待背部皮膚復原，再作右腳植皮手術，小粉絲全程表現堅強，Twins見狀亦不禁眼濕濕，阿Sa說：「嚟緊出碟會送畀佢，佢好番之後，我哋開騷會帶佢入後台。」
孖住上拍電影
另外，前晚Twins現身服裝店的10周年慶祝派對，二人稍後於上海開騷，暫時仍會孖住搵銀，阿Sa說：「好耐冇一齊拍戲，一路都搵緊劇本，最近睇咗一個，我同阿嬌都鍾意嘅，呢套係以前嘅電影再拍，會搵番之前做嘅演員，好期待同一班前輩合作。」派對上大會更特意為阿Sa準備「S」形蛋糕，為她預祝生日，其男友陳偉霆將於下周一踏入26歲，日前與粉絲提早慶生。文：音樂組