法拉終極一拖 薛世恒硬晒軚
無綫當家花旦陳法拉與Neway太子爺薛世恒拍拖以來刻意愛得低調，少有以情侶姿態示人。昨晚法拉首度與男友高調拍拖出席Giorgio Armani中環的盛大派對，大方公告戀情外也確認Neway「大少奶」身份！不過，薛生卻全程表現怕醜，動作生硬。
昨晚Giorgio Armani在中環舉行派對宣布香港Armani/Chater House全新面貌正式揭幕，陳法拉以斯文高貴打扮翹實西裝骨骨的男友薛世恒，首度高調以情侶姿勢亮相，兩人態度大方，但薛生似乎未習慣面對傳媒，動作硬晒軚，與法拉合照也明顯心情緊張。到場的還有陳豪、桂綸鎂、張智霖、黃耀明及不少名人紅星。
錫住男友驚嚇親
其後傳媒訪問，薛世恒也怕醜地先行離開，留低法拉單獨受訪，她說今次是二人第一次公開亮相，因男友來見Armani高層朋友，她亦被邀請出席，故索性雙雙前來，講到薛世恒表情生硬？法拉笑說：「我都好唔習慣，第一次嘛，佢都怕醜呀！」
他倆感情穩定，下次再雙雙亮相會不會是公告結婚？法拉說：「好難講架，今次第一次出嚟，以後會同佢多啲出嚟，叫佢唔好成日喺屋企睇書，今次就慶祝品牌開幕。」法拉撇低男友單獨訪問，是不是怕他漏口風爆他們已婚？她笑說：「拿拿拿，你哋咁咪會嚇親人囉。」
陳豪大讚陳茵媺
而與陳茵媺蜜運中的陳豪單拖到場，他說自己是Armani的忠實「粉絲」，第一次參加台慶已是穿Armani服裝，今年當然也不例外。問陳豪會否與陳茵媺以情侶裝亮相？他說：「要睇吓到時安排，如果一齊就會。」
陳豪坦言不介意女友穿得性感，最重要是性感得來健康，效果又靚。陳茵媺早前向今年「視帝」黑馬的陳豪投下感情票，陳豪也索性賣花讚花香說：「我都好欣賞佢架，佢的確做得唔錯。」
文：影視組