李蕙敏享受熱戀唔急結婚

歌手李蕙敏（Amanda）上個月四十歲生日，更與歌迷搞生日會。當日Amanda收到很多蛋糕和與結婚有關的生日禮物，她尤對繡了「囍」字的圍巾最愛不釋手。難道Amanda好事近？她笑說：「其實我嘅歌迷一直都好希望我快啲結婚，送呢啲禮物只係反映佢哋嘅心願，並唔係事實。（男友有否趁你生日求婚？）無呀！我哋一齊咗無耐，仲好享受拍拖熱戀感覺。」
Amanda笑言生日願望是世界和平。
Amanda笑言生日願望是世界和平。

至於生日願望，Amanda說：「過去一年太多天災人禍，希望世界和平，愛錫我嘅人都健康平安。（咁仲唔快啲結婚？）世事無常，結婚唔係最重要，所以更珍惜相處時光，我同男友都係好樂觀嘅人，只希望每日都開心咁過。」十二月係登台黃金檔，Amanda透露已準備到芝加哥登台，希望男友能抽空同行。

Amanda與歌迷慶祝生日，不少生日禮物與結婚有關，但她笑言歌迷「諗多咗」！
  • Amanda與歌迷慶祝生日，不少生日禮物與結婚有關，但她笑言歌迷「諗多咗」！