莊思明學詠春密謀做打女

頻頻出席公開活動的莊思明（Lisa），原來最想獲無綫安排參演電視劇，有見動作片愈來愈受歡迎，她都想分一杯羹：「我最想做打女，以前有學過吓，第一次拍電影係打戲，雖然辛苦但係好玩，我都打算學番詠春。」她亦不抗拒接演奸角，因為這類角色更具發展空間，她深信更能發揮演技，令觀眾眼前一亮！

冇信心做主持

而莊思明反而對主持工作信心不大，若要在主持及演戲工作上二揀一，她會選擇後者：「主持需要有急才，好多時有好多位都要識執生，好靠天分，而演技就可以慢慢磨練，或者上堂學都得！」早前電視界爆出挖角潮，她直認王維基方面有跟她聯絡，但選美出身的她認為要飲水思源，所以會繼續留守無綫：「多啲電視台對觀眾嚟講係好事，多咗選擇，但係對演員嚟講，都係睇番自己想要啲咩，我就想要多啲經驗同埋磨練演技，呢啲嘢急唔嚟。」

有份出席台慶的莊思明正努力挑選戰衣，或會以另類打扮示人！

莊思明（右二）卸任已有一段時間，現在正等待機會進軍演藝界。