沈卓盈和牛當飯口腹滿足

無綫女藝人Jess早前趁有空檔，與拍拖多年的飛機師男友到日本旅行，每年都會到日本旅行的她，今次去了九州鹿兒島、別府、熊本等地，全程食玩瞓，令她足足肥了三磅。

肥三磅要減

此行吃了多餐和牛，幾乎當飯食的Jess說：「真係好好味，又唔貴，真係好抵食！我仲每日都食牛奶雪糕，返到嚟香港發覺肥咗三磅，要積極跑步減肥。」她所住的酒店每間房都有個私家溫泉，她當然不會放過機會，盡情享受，問到酒店房間價錢時，Jess晒命說：「吓！唔知喎，呢個行程係由男友一手編排。」

沈卓盈與男友去完荷蘭、比利時，再到日本旅行，相當開心。

Jess每日都食牛奶雪糕，唔肥就奇。

想生先嫁人

今次Jess更一嘗騎馬滋味：「係我第一次騎馬囉，好開心，兜咗幾個圈，雖然有人拖住，但初時我都好驚，騎咗一陣先敢烏低身。」與男友拍拖多年，兩人何時結婚？Jess表示現階段各有各忙，亦很享受二人世界，她說：「想生BB先結囉！依家都好開心。」

原來9月底Jess與男友去了荷蘭、比利時旅行，她對荷蘭的肉球、炸薯條、海鮮讚不絕口。兩個月來不停食好嘢，無憂無慮，難怪她會心廣體胖啦！

文：影視組