趙哲妤李曼筠軟骨攻舞林

兩大性感女神趙哲妤（Uny）和「動漫Maggie」李曼筠眼見打碟市場日漸飽和，惟有諗計跳Table Dance突圍，兩女日前更跟老師喪補鐘練舞，實行盡快殺出一條血路！

繼周秀娜後，連師妹Jeana（何佩瑜）、Hidy（余曉彤）、Phoebe（許穎）等也紛紛進入打碟市場吸金，搞到市場僧多粥少。Uny和Maggie深知打碟很難再有出頭，二人隨即諗計突圍，以跳Table Dance衝出重圍吸金。

Uny和Maggie近日已學舞一段時間，由原本的硬骨頭，變成練得一身筋骨鬆軟，難怪連排舞老師亦大讚她們學有所成，跳起來有板有眼。問她們是否有意向「舞」林發展？Uny和Maggie說：「係呀！講真接騷價都OK，好過打碟一成不變！」

至於會否組成跳舞組合？她們說：「都OK o架，係有興趣，但我哋唔同公司，風格又唔同，都係等公司安排啦，睇吓可唔可以擦出火花！」早前有傳Uny有位坐擁三億身家的太子爺男友，問會否表演舞技給男友睇？她說：「冇喎！因為我真係好少喺屋企跳，如果佢想睇，我都唔介意跳畀佢睇！」

文：專案組

趙哲妤 李曼筠軟骨攻舞林