陳山聰送賭王賀禮冇預超雲

賭王快將90大壽，而三房會於本月21日假珍寶海鮮舫為他慶祝，屆時身為何超雲男友的陳山聰亦會出席。昨日傍晚時分山聰乘七人車離開女友寓所後，隨即到金鐘名店揀禮物。期間山聰被記者問及預備了甚麼禮物送給賭王何鴻燊賀壽時，他即說：「其實預備咗，一早諗定買咩禮物喇，不過唔講得你聽，因為要保持神秘，講咗你哋實寫出嚟啦！（係咪同超雲一齊送？）唔係，係我自己送啫。」說罷他即往名店揀選新裝，逗留約十五分鐘後便抽着一袋戰利品返家。