梁靖琪下月嫁 派「炸彈」
將於下月6日結婚的梁靖琪（Toby），本周一（14日）已開始派帖，喜帖設計特別，金色殼內有紅色套套着，好有「炸彈」feel，Toby承認心情緊張得如派聖誕禮物：「我想力求完美，結果連設計師都頂唔順。（老公都頂唔順？）咁又唔會，設計都得佢同意。」
前晚Toby偕周家蔚錄影J2節目《姊妹淘》，大談待嫁感受。Toby已減掉十四磅及回復廿四吋小蠻腰，但結婚當日謝絕性感：「我一着性感衫就佗背，唔關老公事。」並自爆可能因減肥節食過度而屢發脾氣。周家蔚則透露與未婚夫洪天明已邀請牧師做「婚前輔導」，兩人是否經常嗌交？家蔚說：「我成日諗埋一邊，但佢永遠同我講sorry先！」
