祖兒：再做媽媽係佢嘅心願

容祖兒：「人工受孕唔係啲咩嘅問題，用咩方法都係想實現願望啫，知道再做媽媽係佢嘅心願。（想佢生仔定女？）生多一個女就夠喇！（Kelly曾小產？）相信佢識得照顧自己。」

陳奕迅

梁漢文

鍾舒漫：「冇所謂（指人工受孕）！都係想要個家庭。（覺得佢心急？）想做媽媽，心急係正常。今次係一份好大嘅禮物畀番佢哋，意外一次就夠，大家一齊祝福佢啦！」

陳奕迅：恭喜、恭喜、恭喜！希望佢BB快啲出世，Kelly要保重身體。

梁漢文：恭喜恭喜，好犀利呀！好替Kelly開心，兩個小朋友年齡近啲冇代溝。（考慮人工受孕？）未考慮住，等忙完演唱會後會同太太去旅行，到時就會努力造人。

曹敏莉：恭喜Kelly，好期待蝦餃仔會有個細佬或細妹。（學Kelly再追多個？）同老公都有商量過，暫時兩、三年都唔會住，專心湊好囡囡先。

Twins：恭喜晒Kelly！蝦餃仔咁得意，嚟緊呢個B咪叫「燒賣」！（買BB衫送畀Kelly？）睇到啱都會(o架)，因為BB衫好得意。