懷單胞胎風險較低
Kelly再度成功人工受孕，本港家庭醫生關嘉美表示現時Kelly最緊要多休息，減少工作，定期睇醫生監察進展，她說：「佢唔好再接咁多工作，要多啲瞓喺床休息，唔好畀上次流產搞到有陰影或者過分緊張，要放鬆心情！」人工受孕時，醫生一般會為母體植入兩個胚胎，若成功懷孕，當中有約兩成機會懷多胞胎，不論人工或自然受孕，生多胞胎的早產風險亦較生單胞胎為高，所以今次Kelly懷單胞胎，相對早產風險較低。
至於價錢方面，由於人工受孕步驟繁複，費用一般逾10萬元，關醫生說：「女方驗血後靠藥物幫助攞足夠卵子，再攞先生嘅精子，喺試管結合成胚胎後植入子宮，放兩個入去都臨床成功就懷到孖胎。」