莊思敏急搵男友陪過聖誕
莊思敏與林忠豪緋聞告一段落，昨日她跟高海寧一同出席天梭錶活動時，就自言希望可以盡快找到男友，一起共度普天同慶的聖誕節。她笑說：「我依家好積極叫身邊朋友介紹異性畀我識，希望可以喺聖誕節之前搞掂，好耐未試過過lonely x'mas！」
而同場的高海寧就自爆近日遭狗仔隊近距離追蹤，令她不勝其煩，她說：「我係新牌仔，揸車唔叻，佢哋追得我好貼，跟到我忟，我唔想遲啲會有乜嘢意外發生！」記者笑言她大方公開拍拖便不會被跟蹤？她即說：「我依家冇拍拖，（公司唔畀？）公司冇唔畀，陳豪同陳茵媺都好幸福啦，只係未遇到合適嘅真命天子，就寧缺莫濫！」