傅穎解凍露面不提舊愛
因自爆與舊愛羅仲謙一段情及受虐打的傅穎（Theresa），被經理人星皓放入雪櫃一輪後，昨晚終獲解凍出席公開活動。久未面對傳媒的她依然淡定，透露已休息幾個月，更指與公司多了溝通，雙方已有共識，故令其心情輕鬆，關係也很和諧。
問到老闆王海峰可有接受其道歉？Theresa避談謂：「件事上咗寶貴一課，我心靈上成長咗，個人都開心埋，（即係接受咗未？）咁不斷同老闆有短訊來往，（要用行動證明？）之後工作等公司安排。」與舊愛已此情不再的她，被問到是否日後不再提羅仲謙三個字？她說：「本人意願同公司都唔想再講，過去就由佢過去，（知唔知佢同楊怡傳緋聞？）人哋私人事唔方便畀意見，（佢知你放生？）唔知佢，大家係同事，私下冇聯絡。」雖然停工多時，但Theresa坦言經濟絕無問題。
同場還有鍾嘉欣，她表示早前因外遊未能出席台慶公布入圍名單記招，之後將與雙親出埠缺席台慶夜，笑言不擔心影響爭奪影后。