黃德斌嬲出面 保怡話之你

林保怡、陳豪、黃德斌昨日為劇集《天與地》宣傳，齊齊夾Band玩「樂與怒」，女主角佘詩曼因在內地拍劇而未能出席，但據知監製戚其義已聯絡阿佘出席下一個宣傳活動。林保怡稱會夾時間出席之後的宣傳活動，更強調之前並非有意缺席《九江十二坊》宣傳，只因當時於大陸拍劇，並不是無約在身而不宣傳。

否認與無綫不和

不過，《天》劇已拍了兩年多，之前一直未有播出，反而現時安排於台慶後才播映，懷疑因林保怡與阿佘不續約無綫，令二人不能憑該劇角逐視帝視后獎項。難怪演員黃德斌在台上時稱：「講開都有啲嬲！上年台慶應該要出，依家台慶都唔出，等到台慶後先出。」戚其義被司儀問有何感想時，他只說：「要講嘅兩年前講晒！」

陳豪（右）與黃德斌為拍劇而學結他。	佘詩曼	雖然《天》劇無緣爭獎，但台前幕後對收視均有信心。

保怡則未有為劇集安排在台慶後播出而動氣：「呢套係收視劇，可能題材另類。（唔抵？）你都覺得呀？如果下年台慶前嗰個月將啲片段再重溫一遍先投票會好啲！」提到無綫此舉令他與阿佘都不能角逐男女主角，保怡反問記者：「即係驚我哋！又惹起民憤，我冇咁諗過。」之後他叫記者不要寫他與無綫不和，更自稱早前與方逸華出席活動時很老友：「唔好話我唔鍾意TVB，方姐仲拮蟹肉畀我食呀！」

陳豪明白樂與怒

黃德斌接受訪問時否認有怨言：「唔係怨，係怒，樂與怒嘛！不過唔開心係我哋當時拍緊一場重要戲時冇咗個好朋友，烈哥（陳鴻烈）當時喺隔籬廠，大家心情都相當沉重咁拍嗰場戲，保怡直頭頂唔順要暫停出廠幾分鐘。喜嘅係自己從來冇諗過拍樂與怒戲。」陳豪則稱：「之前講過好多次會播又冇播，聽到會播時開心，聽到唔播又唔開心。依家終於出，終於明白乜嘢係樂與怒。」

文：影視組