杜汶澤成功智破鄭伊健微博「被盜」，他揚言全因「偽伊健」行為古怪，問他索取某位女星的電話號碼，令他心生懷疑，阿澤表示：「以我認識嘅伊健，唔會問我攞女藝人電話，所以覺得好有可疑，之後打畀林珊珊，佢話伊健喺內地開緊工，冇理由會發微博私信畀我，跟住我再叫公司同事打去微博公司問，佢哋最後回覆話伊健戶口畀人盜用咗！」
