JM滾掂劉浩龍 突撇有米男友
黎明愛將文詠珊（JM），入行時已公開名花有主，與有米男友李冠峰拍拖踏入第7年，惟戀情並不平坦，JM曾先後與同公司的李治廷和劉浩龍傳出緋聞，與劉浩龍歎麻辣火鍋更加速戀情爆煲，JM昨終向外宣布已跟男友分手近半年，浩龍則隨即被捲入JM情變！
JM是少有入行便公開拍拖的o靚界女神，但仍無阻其魅力，事業扶搖直上。JM雖然名花有主，但桃花當旺，曾傳她與李治廷暗撻，之後兩人索性以情侶檔出席活動齊齊搵錢，數月前JM已多次在活動中暗示與男友感情出現問題，兩人若即若離，更形容大家關係不知算不算拍拖；今年六月，她與劉浩龍被撞破在中環歎麻辣火鍋而傳緋聞，無獨有偶，JM昨日出席《新太陽廣場免稅店DIOR PRO-TEAM聖誕彩妝示範》活動時，正式宣布與男友分手近半年，與劉浩龍傳出緋聞的時間非常脗合，令浩龍隨即成為疑似小三！
否認涉及小三
JM說：「其實我哋分開咗一排。（之前唔係影到你哋一齊咩?）冇。（分手有冇半年？）冇半年，我好誠實。之前我覺得大家冷靜吓，諗吓，好正常。覺得需要分開。（咩原因分手？）好多原因，兩個人一齊，唔係淨係話兩個人sweet唔sweet。」但JM形容兩人分手後仍然是好好的朋友，並不排除復合機會。問到分手是否涉及小三，她卻斬釘截鐵地說：「唔關事。」分手後的她，又想開Massage店做老闆，又想買樓，表現積極。
對於「珊峰戀」情海翻波的疑似小三劉浩龍，昨電話回覆說：「JM分手？我唔知喎，我哋係朋友，你問番佢。」隨即匆匆掛線，之後浩龍透過助手表示作為JM朋友，會支持對方及希望她開心及工作順利。
為李治廷辯護
另外，JM被問到曾傳出婚變的老闆黎明和樂基兒現時的情況時，指兩人一直好好，好sweet，對有傳樂基兒終肯生BB，JM揚言不會八卦打聽別人的事，指若屬實會恭喜對方。
至於JM緋聞男友之一的李治廷早前涉嫌醉駕，JM沒有問候他，因為不想令他加添壓力，她說：「以往認識嘅佢係好理性同理智嘅，可能因為嗰日開心，超咗標都唔知。我係一個好小心嘅人，飲完酒之後一定唔會揸車。尤其藝人應該以身作則，不過冇法，經一事長一智。Aarif咁聰明，佢知架啦。應該係冇心嘅，希望快啲平息，個個都好錫佢。」
文：名人組