何B節目周五收檔 梁慧恩可惜嘆無奈
亞視有口碑節目《香港有飯開》播出三個月卻傳出因財政問題慘被開刀，節目播至周五（18日）後便完結，21日將換上成本約佔《有飯開》兩成左右的新節目《微播天下》，《微》只需播藝人微博片段並安排主持發聲便可，成本極低，一直傳有財政問題的亞視今次要睇餸食飯而慘變「冇飯開」。
主持梁慧恩（Viann）昨日回覆時說，對公司將節目停播坦言意外：「好可惜啊，台前幕後知道都喊呀！難得亞視有個節目咁齊心成績又好，都唔明公司諗乜？」另一主持何守信（何B）昨亦承認節目完結，亦覺可惜：「我都唔知點解？你話財政問題咩……我都打聽過，但《有飯開》冇超支，所以我都好無奈，唯一希望公司只係想將節目停一停，見好就收再重新嚟過，都係一件好事，我就剛好同亞視合約滿。」
