Cammi出巡試反應 冇畀人鬧

因遺失手機流出慾照的o靚模Cammi，為免傳媒追訪，近日足不出戶玩自閉，也沒有上課，只選擇性地透過短訊回覆傳媒問題，然而閉關多時的她，於昨日下午五時許終踏出家門，穿上心心圖案衞衣的她，對於記者的提問，只拋下一句：「你哋問咩我都唔答。」隨後便獨個兒乘車到銅鑼灣會合女友人。

途人：好普通啫！

記者上前向她追問近日心情如何？Cammi終開腔回答，透露差不多整個月沒有外出，在家的日子經常胡思亂想，心情跌至谷底，更謂：「我覺得咁多負面報道對我唔公平，唔知啲人點睇我，有朋友就鼓勵我出街試吓途人反應，咁so far都ok，唔係想像中咁差。」而就記者所見，沿途有不少人向Cammi行注目禮，雖然沒有破口大罵，但有人道：「唔係想像中咁高，咪又係o靚妹一個，好普通啫！」

Cammi在兩友人壯膽下出巡，不少途人向她行「注目禮」。

Cammi在鬧市冇畀人鬧，總算放下心頭大石。

談到除了沈志明外，就連無綫藝人王浩信也與她扯上關係，Cammi表示不想再回應其他人的事，問到與舊愛陳冠希有否聯絡？Cammi起初表示不回答，但未幾又反問記者：「佢個人係咪真係咁衰？」令人費解！已缺課多日的她，表示明日將重返校園：「因為點都要面對問題，唔會唔讀書。」說罷便繼續與女友人逛街，消失於鬧市中。

Cammi逛商場，對公仔愛不釋手。

沈志明受過教訓，矢言不再帶女孩子回家。

沈志明戒帶女返歸

而曾與Cammi發生不快事的沈志明，昨日抱恙出席新片開鏡，談到經過Cammi一役，現時是否不敢再帶女仔回家？他謂：「這是非常好的經驗，不會有下次。（怕影響形象？）影響好大，就連家人也有問，因為台灣那邊也知道，但時間證明一切。（有指Cammi跟內地藝人井柏然也過電。）我剛從台灣過來沒有update，我只會做自己該做的事情。」此外，Cammi昨日於微博表示網友根本對她不了解，更指接受不了報道把她寫得那麼可怕。

文：影視組　攝：追蹤組