Dear Jane網上谷騷 掂！
樂隊Dear Jane日前出席新城活動時，主音歌手黃天翱（Tim）透露新碟將於下周五（18日）推出，而12月3日將於蒲吧舉行演唱會。由於這是Dear Jane入行六年來首個擔正的騷，故心情特別緊張，但得知歌迷反應熱烈才鬆一口氣。
Tim說：「為咗宣傳呢個騷，公司幫我哋拍咗一段宣傳片叫《小心！年尾出現呃飛黨》嘅短片，放喺YouTube幾日之嘛，就好多人點擊，仲話會買飛捧場，宣傳策略好成功。」問他女友楊洛婷可會捧場？Tim說未知女友當天可有工作，但感激她多年來都支持他的音樂，他更大爆女友：「其實佢唔係好聽音樂，屋企只有Dear Jane隻碟。」雖然Tim和楊洛婷拍拖4、5年兼感情穩定，可是Tim說暫未有結婚計劃。