黎明拒再講婚變︰等法官判決
黎明早前為與太太樂基兒（Gaile）的婚變傳言採取法律行動後，昨日為新歌《情》的3D MV首播會首度面對傳媒。問到可有為那些捏造新聞動氣時，黎明拋出金句說：「唔係嬲，嬲係解決唔到問題，只係一個表情，我會用行動、態度慢慢等法官判決。」
與太太Gaile是否已沒有事？黎明重申說：「之前已經向某傳媒發咗告票，一切唔係事實嘅嘢交畀法庭處理，唔係要唔要澄清，而係一次兩次三次連續寫一啲唔係事實嘅事，係好嚴重影響我，最簡單就係交畀法官同律師，而嗰本周刊嘅報道我以後都唔會回應。」對於被指自編自導造新聞，黎明簡而精說：「邊個寫就問番邊個啦。」他續說：「偷影我仲要話我，佢哋道德觀念同真理，已超越咗藝人可接受嘅界限。」
唔跳辣身舞
至於十二月在紅館舉行演唱會，問到黎明可會跳辣身舞？他笑言：「辣身舞招呼唔到觀眾，同觀眾親身體驗好過同舞蹈員，會有觀眾互動環節。」Gaile可會陪他keep fit？黎明稱她不在港，到時太太沒工作的話會去紅館捧場。而新碟「X Dec 11」會在個唱期間只限在紅館發售。
文：音樂組