秘密練舞 滿足歌迷 黎明凌空跳晒腹肌

黎明近日忙個不停，為準備十二月舉行的「LeonXu紅館演唱會2011」和電影《鴻門宴》宣傳。黎明已積極備戰，每日跑步兼游水，事關今次演唱會將分為幾個部分，每個部分有一個主題。而是次演唱會排練更有別以往方式，監製要求黎明每次綵排都要一氣呵成進行，雖然令綵排時間變多，但黎明卻沒怨言，若每個部分都進行順利亦大叫值得。

踢腿一字馬

至於最令歌迷期待的，自然希望一睹黎明台上的勁歌熱舞，而黎明為快歌環節原來已開始秘密練兵，雖然久未有一顯身手展舞技，但黎明卻天生彈跳力驚人，在排舞師的引導下，雙手拿着毛巾的黎明，完全做到排舞師要求的舞步，大玩踢腿「一字馬」，並與一班舞蹈員凌空跳起，黎明不慎「春光乍洩」露腹肌，令舞姿更有睇頭。

黎明與舞蹈員一齊研究舞步。

黎明玩一字踢腿，舞技耍家。

唔參與揀歌

黎明表示：「我冇跳舞底，但係一個演唱會有唔同歌唔同主題，現場有唔同年齡及唔同喜好的觀眾，作為一個專業的演出者，絕對有責任去滿足唔同人的需要，而且成班人一齊排舞都好開心好熱鬧。」而黎明稱今次沒有參與選歌部分，想由其他人的角度去幫他揀歌，會有新火花。

文：音樂組