楊怡：緣分天注定

羅仲謙與傅穎分手後，未幾傅穎爆料有圈中女藝人是小三小四，另方面亦傳出羅仲謙因與楊怡合作拍劇撻着，當時兩人都否認。

直至日前被本報記者發現兩人鬼馬地趁萬聖節逃離鬧市，相約友人往大美督郊野公園BBQ，興合合斷正後，兩人一臉尷尬，楊怡故作大方邀請記者BBQ，轉頭更放相上微博，處理得煞有介事。

楊怡和羅仲謙發展姐弟戀，拍拖BBQ斷正。

揚言專注工作的羅仲謙，緋聞卻不絕於耳。

只朋友關係

昨日記者致電楊怡問及是否拍拖，她一度表示大家只是朋友關係，及至問到有否發展機會時，楊怡明顯有保留，她說：「緣分天注定，一切隨緣，我會以工作行先。」

男主角羅仲謙則支吾以對，揚言：「《On Call36小時》經常都會搞聚會，之前都有約埋一齊去睇舞台劇，今次燒嘢食，唔係好似報道講咁樣，除咗我哋之外，仲有其他人喺度。」

傅穎不回應

至於和羅仲謙兩離兩合終告分手的傅穎，昨透過經理人公司發言人李小姐表示，有關羅仲謙所有事都不作回應，而被指和楊怡暗交多年的黎諾懿則至截稿前未有回覆。

文、攝：追蹤組