與Cammi餅印樣 Nelson：似我唔係好事
陳冠希與o靚模Cammi的咀嘴相流出後，網友議論紛紛。除以歌詞諷刺陳冠希，又指Cammi樣貌化妝前後有很大分別，更指她與時裝判官張學潤（Nelson）有幾分相似，陳靜師妹鄧伊玲亦在微博留言指「堅似」。
昨日記者致電Nelson，他看完Cammi的照片後反應甚大，他說︰「作死咩！唔係啩？邊似呀？乜咁畀面，唔好hurt啲小妹妹，似我唔係一件好事。」問到Cammi被指經常變臉，Nelson即發揮判官本色︰「佢唔化妝係一個好普通妹妹仔，化咗妝個樣係差好遠。所以話化妝品係最偉大嘅發明，不過佢化妝都係普通。」
