千嬅：成年人有判斷能力

08年「慾照風波」主角陳冠希（Edison）最近被揭搭上學生o靚模Cammi，兩人咀嘴慾照流出，男方再被千夫所指，亦因Cammi只得16歲，引起全城哄動。身為Edison契姐的楊千嬅昨日出席活動，她坦言不知道契細佬Edison再涉桃色事件：「未睇，唔作任何批評喇！」

久未見面兼冇聯絡

千嬅強調與Edison久未見面兼沒聯絡。問到會否叫他以後識女仔要小心以免「衰十一」？千嬅尷尬地說：「好少過問佢感情事！」對於Edison每次都會拍慾照留念是否應睇醫生治心理病？她說：「成年人有自己判斷能力！唔方便批評。我都同佢有影普通合照，大家相識咁耐。（佢鍾意影床照！）唔知，我就好保守，自己親人都唔會。」

林欣彤覺得陳冠希要女友穿制服影相的行為很奇怪。

謝安琪

至於年僅21歲的「小巨肺」林欣彤（Mag）昨日與許廷鏗出席節目《水之源》發布會。對於陳冠希再有慾照流出，Mag表示懂得保護自己，不會拍情慾照片，過去男友亦沒有要求她穿制服拍照。Mag說：「就算有我都唔會肯，呢個要求好奇怪！我唔會咁易畀人呃。（尺度去到邊？）面貼面都正常，伸脷就一定唔會。（覺唔覺得Edison有癖好？）我唔評論人對錯，總之我唔會影呢類相！唔想受攻擊就要小心啲。」

謝安琪教仔咪亂錫

另外，謝安琪表示跟陳冠希不熟落，亦沒有看過對方的親嘴照，不便評論。問到會否怕4歲囝囝長大後愛影親熱照？她笑言囝囝已有女友，但會教導他不可亂咀：「佢同女朋友仔會拖手仔，好單純，未錫錫。我有叫佢唔好咁親密，錫家人就冇所謂。」文：影視組