黃榕怒插舊愛Edison：要睇醫生戒色

Edison被揭溝掂16歲學生o靚模謝芷蕙，曾傳與他有段情的性感女星黃榕狂轟對方離譜，她說：「同個16歲女仔拍拖唔出奇，因為佢係女都啱，最過分係要對方着校服畀佢影相！好離譜！應該睇心理醫生戒色！」

Jeana：o靚妹易氹

對於Edison自爆與女友已分手，黃榕說：「之前有聽聞過，不過都唔會影響佢四圍識女仔！」她又寸Edison經歷床照事件後仍未學精照玩自拍，絕對是愚蠢兼抵死。問到是否覺得是Cammi自己放料？她說：「都似！依家啲細路女好犀利。」

楊梓瑤勸Cammi「有番啲矜持」。

Jeana不諱言曾收過陳冠希的SMS。

「不倒胸」o靚模何佩瑜（Jeana），昨日出席電訊公司活動時表示曾與Edison合作，當時兩人有交換電話，對方亦試過SMS聯絡她。Jeana又表示不認識Cammi，覺得她是小妹妹才容易受氹：「可能Halloween收到糖果開心，我就冇咁易氹！（博出位？）希望佢入番正途，讀多幾年書，依家咁做係放棄自己未來！」

羽翹亦認為Cammi應多讀書，覺得她曾拍攝的寫真過激，價值觀已像扭曲。

Carol：要有矜持

至於「浸大E神」楊梓瑤（Carol）表示不認識Cammi，覺得對方經常扯上緋聞：「我都係睇《東方日報》同《太陽報》先知，個女仔都未成年！可能佢哋係正常拍拖，但我覺得女仔唔可以咁快影呢啲相，要有番啲矜持，同埋畀心機讀書先！」

Cammi是o靚模Fantasy成員，而同隊成員林天（Tina）說：「我都唔知佢同陳冠希一齊過，知道咗都好震驚，我私底下都有SMS慰問佢，但係我冇同過陳冠希一齊。」

文：影視組