林莉拍淫片要啱Feel
模特兒林莉與歌手羽翹昨日為內衣騷擔任嘉賓，林莉以Bra襯背心Fur現身，搶贏身穿睡裙配冷外套的羽翹幾條街，不過林莉因敏感以致胸口現紅斑，大殺風景。林莉表示：「大會唔需要我太性感，本來建議我着透視白色恤衫，但我覺得襯Fur都幾靚。（酬勞高啲，可以更性感？）睇個客要求，最緊要靚。今日酬勞好好，有五位數。（行內衣騷？）都可以，最緊要靚。」
提到Jessica C.承認曾與男友拍淫片，林莉坦言從未被任何人要求拍。若男友要求會否接受？她猶豫說：「唔知道。（係咪最緊要靚？）係，要啱Feel。其實我唔抗拒拍，如果我鍾意對方，就會好信任佢，我係個唔識保護自己嘅人。」
至於羽翹自言不介意輸給林莉：「鬥性感係無底深潭。我身材唔夠佢好，事業線唔夠佢勁，如果揚出嚟，輸得咪仲肉酸。」